Diwrnod gwych o bêl-rwyd o’r safon uchaf a gafwyd ar ddydd Iau'r 26ain o Ionawr. Roedd Ysgol Dyffryn Taf, Bro Myrddin a Dyffryn Aman yn gyfartal ac wedi ennill 3 gêm a cholli 1. Dyffryn Taf a fu’n fuddugol gyda gwahaniaeth goliau. Llongyfarchiadau i bawb.

Canlyniadau Bro Myrddin yn ystod y dydd :

  Taith Criced i Dde Affrig
Ar 4ydd o Chwefror bydd tair merch o’r ysgol yn cynrychioli tim Criced Cymru ar daith anhygoel i Dde Affrica am bythefnos. Y tair ffodus yw Nerys Evans o flwyddyn 12, Sara Jenkins o flwyddyn 9 a Mared Mc Neil o Flwyddyn 10.
Bydd y merched yn cystadlu mewn timau o dan 15 ac 17 oed ac yn chwarae yn Johannesburg, Pretoria a Cape town. Byddant yn teithio gyda 30 o chwaraewyr eraill o Heathrow i Dde Affrica er mwyn cynrychioli eu gwlad. 
Pob llwyddiant iddynt ar eu taith.

  Sgwad Sgwennu

Mae pum disgybl o bob ysgol Gymraeg yn y Sir wedi cael eu dewis i fod yn rhan o glwb ysgrifennu Caerfyrddin sef y Sgwad Sgwennu. Yn cynrychioli Bro Myrddin dewisiwyd Siobhan Eleri, Martha Ifan, Marged Smith, Beca Philips a Wiliam Pritchard. Maent yn cyfarfod yn dymhorol yng Ngholeg Prifysgol y Drindod i drafod sgiliau barddoni ac ysgrifennu creadigol o dan arweiniad rhai o feirdd ac awduron enwocaf Cymru. Eisoes maent wedi cael hyfforddiant gan Dr Mererid Hopwood. Cawsant hwyl ar y wefan NGFL yn dysgu rheolau cynganeddu ac yna fe ysgrifennodd bob aelod ddarn o farddoniaeth yn seiliedig ar gêm Cymru yn erbyn Ffrainc yng Nghwpan Rygbi’r Byd. Edrychwn ymlaen yn awr at yr ail gyfarfod ar Chwefror 4ydd.

 Adroddiad gan: Siobhan Eleri a Martha Ifan (aelodau o’r Sgwad Sgwennu)

  Ymweliad y miliwnydd Mr Kevin Green

Ar ddydd Iau'r 17eg o Ionawr cafodd disgyblion Blwyddyn 12 gyfle arbennig i wrando ar sgwrs gan y miliwnydd Kevin Green. Testun y cyflwyniad oedd Byd Gwaith ond llwyddodd y siaradwr gwadd i sôn am lawer mwy na hynny.

Fel un o ddynion busnes mwyaf blaenllaw Cymru a’r Deyrnas Unedig, a chyn rhiant i ddisgyblion ein hysgol ni, fe siaradodd am ei brofiad o sefydlu, rhedeg a llwyddo mewn busnes ym maes landlordiaeth. Cyfle hynod arbennig oedd cwrdd â ffrind Alan Sugar a Richard Branson oedd yn datgan - er ei holl gyfoeth materol yr hyn oedd yn bwysig iddo oedd ei deulu a’i ffrindiau.

Clywsom nad oedd y daith tuag at gyfoeth yn un hawdd wrth i Mr. Green rannu straeon o fod yn digartref, gweithio’n hynod o galed, methu sawl gwaith cyn mentro i fyd arwerthu tai. Yn sicr fe ysgogodd y disgyblion i anelu’n uwch ar gyfer y dyfodol, dangos penderfynid a phrofi i’ch hunan ac eraill eich bod yn dilyn eich breuddwyd. Cynigodd gyngor defnyddiol ar sut i ymddwyn mewn cyfweliad, ateb cwestiynau lletchwith, dangos penderfyniad a bod yn fonheddig yn ogystal â rhoi gwybodaeth am gyrsiau a chysylltiadau busnes defnyddiol.

Mae Kevin Green eisoes wedi serennu ar raglenni megis “The Secret Millionaire” lle bu yn rhoi miloedd i helpu eraill. Mae’n credu’n gryf mewn helpu eraill gan ei fod e’n sylweddoli pa mor ffodus ydyw. Mae’n cefnogi elusennau megis “Make a Wish Foundation” a “The Hunger Project”.

Cyn gadael roedd cyfle i sgwrsio a thynnu lluniau gan gynnwys siawns i eistedd yn sedd ei gar Aston Martin anhygoel. Hoffwn ddiolch iddo am ei eiriau ysbrydoledig ac am roi o’i amser prin.

Adroddiad Gan Gwenllïan Rhys a Hannah Nicholas 12ET

  Cystadleuaeth ‘Cogydd Ifanc y Flwyddyn’ 
      Clybiau Rotari
Yn ystod mis Ionawr bu rhai o ddisgyblion blwyddyn 10 a 12 Arlwyo yn paratoi ar gyfer cystadleuaeth y Rotari ‘Cogydd Ifanc y Flwyddyn 2012’. Cynhaliwyd y rownd leol ar 18^fed o Ionawr yng Ngholeg Pibwrlwyd . Y dasg oedd creu pryd tri chwrs i ddau o bobl gan ddefnyddio cynhwysion yn eu tymor. Ar ôl dwy awr a hanner o goginio mewn cegin anghyfarwydd llwyddodd Sophie Richards 10-6 i ennill y gystadleuaeth gyda Teleri Davies 10-6 yn ail agos.

Gwnaeth Sophie baratoi cawl llysiau fel cwrs cyntaf, rac cig oen gyda llysiau tymhorol a saws gwin coch fel y prif gwrs a phwdin tarten gellyg i orffen.

Cafodd y cystadleuwyr i gyd ganmoliaeth fawr gan y beirniaid sef prif gogyddion Gwesty Parc Strade a Gwesty Spilman am eu sgiliau coginio da. Bydd Sophie yn cynrychioli Clwb Rotari Caerfyrddin Tywi a Teleri yn cynrychioli Clwb Rotari Caerfyrddin yn y rownd rhanbarthol sydd i’w chynnal ar Chwefror 1^af. Pob lwc iddynt.

  Ymweliad Dr Eirian â’r adran Addysg Grefyddol
Ymhlith y materion mae Blwyddyn 10 ac 11 yn ymdrin â hwy ar gyfer eu cwrs TGAU Addysg Grefyddol mae Euthanasia. Dau air Groeg sy’n ffurfio gwreiddyn y gair sef “marwolaeth dda” neu “ladd trugarog”. Cafodd dau ddosbarth o flwyddyn 10 y cyfle i wrando ar Dr Eirian Lewis yn siarad ar y pwnc sensitif hwn. Mae Dr Eirian yn feddyg teulu yn San Clêr ac hefyd yn flaenor yn ei chapel ym Mancyfelin. Rhoddodd i ni gyflwyniad trylwyr o’r maes gyda sesiwn holi ar sut mae’r farn grefyddol yn cyd-fynd gyda’r datblygiadau diweddaraf yn y byd meddygol. 

  Pencampwriaethau Trawsgwlad Brianne 
      Dydd Llun 30 Ionawr

Llongyfarchiadau mawr i bawb.

 Ras olaf y gynghrair Trawsgwlad

Dros y gyfres

Mared Owen 1af

Nia Griffiths 3ydd

Rhodri Cole 2ail

  Pencampwriaeth Seiclo Traws-gwlad
Llongyfarchiadau i Tanwen Jones sydd wedi ennill pencampwriaeth cynghrair Cymru am seiclo traws-gwlad. Da iawn ti.