Cyfarchion!  Eisteddwch yn gyffyrddus.  Mae eich siwrne gyda Phwyllgor Marchnata Ysgol Gyfun Gymraeg Bro Myrddin ar fin cychwyn.  Ein bwriad wrth sefydlu’r pwyllgor newydd hwn yw eich tywys ar daith hynod gyffrous, drwy rannu bwrlwm yr ysgol a’n profiadau fel disgyblion, gyda’r gymuned.   Gydag adroddiadau am wibdeithiau diddorol, erthyglau yn lleisio ein barn ac hyd yn oed adolygiadau ar ddramâu a chryno ddisgiau newydd, gobeithiwn y cewch eich diddanu.  Wrth i ni roi min ar ein pensiliau, rydym yn eich gwahodd chi gyd i’r gornel hon i gael hynt a helynt Cymry ifanc y dref. Mwynhewch eich siwrne! Beth yw Cwtsh Myrddin? Clwb Marchnata’r ysgol yw Cwtsh Myrddin lle byddwn yn hysbysebu llwyddiannau, campau a’ch cyrhaeddiadau chi, boed yn ddisgyblion neu yn athrawon ar ein gwefan ysgol, mewn colofn yn y “Carmarthen Journal” ac yng nghylchgrawn lleol “Cwlwm”. Ceir amrywiaeth o newyddion - o’r byd cerddorol ac eisteddfodol i fyd y chwaraeon a gweithgareddau allgyrsiol. Mae aelodau Cwtsh Myrddin yn ysgrifennu adroddiadau i’r Wasg, yn creu arddangosfeydd o amgylch yr ysgol ac yn gwerthu cylchgrawn Cwlwm bob mis.	Aelodau 2011-2012 Archif Newyddion 2009-2010 Gorffennaf 2010 Mehefin 2010 Mai 2010 Ebrill 2010 Mawrth 2010 Chwefror 2010 Rhagfyr 2009 Tachwedd 2009