Cwtsh Myrddin

Colofn Ysgol Gyfun Gymraeg Bro Myrddin

HYDREF 2007

 

 Un Filltir Faith

Bedair blynedd yn ôl bellach, lansiwyd apêl “Plant Dros Blant” fel cynllun peilot  yng Nghymru.  Profwyd hwn yn gynllun effeithiol dros ben gan ei fod yn rhoi cyfle i ddisgyblion estyn cymorth i blant ysgol mewn gwledydd datblygol ar draws y byd.  Mae cyfraniadau ariannol o’r fath yn rhoi’r cyfle iddynt dderbyn gwell addysg a mwy o gyfleoedd mewn bywyd. Yn dilyn llwyddiant yr apêl y llynedd pan godwyd cyfanswm o £3986, aethom ati’n frwdfrydig eleni eto. 

Felly, beth oedd yn ofynnol i ni fel disgyblion?

Roedd y dasg yn ddigon hwylus.  Ddydd Gwener 28ain o Fedi, ar ddiwedd yr awr ginio roedd yr ysgol gyfan yn clymu careiau eu hesgidiau ymarfer yn barod i gerdded, loncian, sgipio neu redeg o amgylch yr ysgol. Cychwynnom ar y daith gerdded a oedd yn filltir o hyd, ac yn wir roedd pawb wrth eu bodd.  Braf oedd gweld disgyblion o flwyddyn 7 i 13 ac athrawon  yn ymuno yn y weithgaredd hon.   

Codwyd cyfanswm o tua thair mil o bunnoedd. Llwyddiant ysgybol eleni eto. 

Edrychwn ymlaen i gerdded  eto y flwyddyn nesaf wrth gofio y gall un filltir , weithiau, wneud byd o wahaniaeth.

Limrig y mis

Wedi wythnosau hir o ymlacio,

fe ddaeth yr awr i ddechrau ymdeithio.

Rhoi cant y cant,

I “Blant Dros Blant”

Ymlaen yr awn â’r cynilo.