Newyddion Ysgol Gyfun Gymraeg Bro Myrddin

 

 

Llongyfarchiadau i Gethin Lewis a Becca Davies blwyddyn 13eg am gymryd rhan yng nghyngerddiau Côr Cenedlaethol Cymru yn ddiweddar. Perfformiwyd llawer o gerddoriaeth gan gyfansoddwyr enwog megis William Mathias a Mendelssohn i ganmoliaeth mawr gan y gynulleidfa. Cafodd y ddau hefyd y cyfle i berfformio ym Mhroms y BBC gyda’r côr yn Neuadd Frenhinol Albert ar ddiwedd yr haf. Cafwyd canmoliaeth mawr i’r côr gan y gynulleidfa lawn, gyda’r wasg hefyd yn dangos ei bodlonrwydd. Galwyd y perfformiadau gan y Daily Telegraph yn “something magnificent” a “simply thrilling”.

Dydd o weithgareddau'r Chweched ym Mae Morfa. Ar y 7fed o Fedi 2009, fe wnaeth Blwyddyn 12 Ysgol Bro Myrddin, ymweld â Bae Morfa am y dydd er mwyn i ddisgyblion y flwyddyn fondio gyda’i gilydd er mwyn paratoi am y ddwy flynedd nesaf yng nghwmni ei gilydd.  Fe wnaethon nhw fod yn rhan o wahanol fathau o weithgareddau gan gynnwys cwrs rhwystr, gweithgareddau yn y môr, dringo rhaffau a gweithgareddau meddwl mewn tîm. Dechrau da i’r flwyddyn!

Taith i Sŵ Bryste Ar ddiwrnod braf o haf ddiwedd tymor diwethaf aeth cyfuniad o flynyddoedd 8 a 9 gyda’r adran wyddoniaeth ar daith i sŵ Bryste. Ni ddechreuodd y daith yn rhy dda pan aeth gyrrwr y bws ar goll ond fe wellodd pethau wedi hynny! Nid oedd cyffwrdd a neidr a llygoden fawr at ddant pawb, ond serch hynny roedd pawb wedi mwynhau'r losin a’r hufen ia!  Cafwyd y cyfle i fynd ar y “Tree Top adventure” fel mwncïod iawn! Yn anffodus fe wrthododd rheolwr y sŵ gloi ambell unigolyn yn y caets! Diwrnod diddorol a llawn hwyl!

Cymdeithas Rieni ac Athrawon Yn mis Gorffennaf cyflwynodd y gymdeithas rieni ac athrawon siec  o £5,000 i gronfa’r ysgol i brynu system sain newydd i’r neuadd. Bydd hyn o fudd mawr i’r ysgol.

Newyddion Chwareon   Canlyniadau Rygbi – Canlyniadau nos Fercher 16eg : Blwyddyn 8 – Bro Myddin 46 Pantycelyn 10 Blwyddyn 10 – Bro Myddin 47 Pantycelyn 19   Tregwyr v Bro Myrddin – Ar fore Sadwrn 12fed o Fedi, ar gaeau ysgol Tregwyr, enillodd Tim Rygbi Cynta’r Ysgol gêm galed. Er gwaetha’r tywydd braf ni chafwyd llawer o geisiau gydag amddiffyn y ddau dîm yn gadarn. Sgôr terfynol y gêm oedd Tregwyr 6 - Bro Myrddin 15. Mae pethau’n argoeli’n dda ar gyfer y tymor newydd.   Bro Myrddin v Strade - Ar fore Sadwrn 19eg o Fedi cafwyd buddugoliaeth arall i Dim Rygbi Cynta’r Ysgol yng Nghynghrair Ysgolion Cymru Dan 18, yn erbyn Ysgol Y Strade. Mi roedd hi’n gêm ddwys a chyffrous gyda’r dorf dda ar gaeau’r ysgol yn mwynhau gweld y rygbi. Dim ond 3 pwynt oedd ynddi ar yr hanner, ond ar ôl cyfnod o ddeg munud o bwyso ar ddiwedd y gêm yn nwy ar hugain y Strade, gorffennwyd y gêm yn 16 -14 i Fro Myddin, gyda’r pwyntiau’n dod o droed y maswr Gareth Thomas ac o gais Dafydd Williams.   Pencampwriaeth Nofio: Llongyfarchiadau mawr i Hannah Reynolds o flwyddyn 9 ar ennill 2 fedal Aur ym Mhencampwriaeth Nofio agored Cymru ym mis Awst, medal Aur yn y 100 medr rhydd a medal Aur yn y 200 medr. Llongyfarchiadau hefyd i Beth Jones o flwyddyn 9 a oedd yn y tîm cyfnewid, gyda Hannah, a enillodd 2 fedal Aur.