Newyddion Ysgol Gyfun Gymraeg Bro Myrddin     Noson i godi ymwybyddiaeth o beryglon      y Rhyngrwyd Ar nos Fawrth, Hydref 4ydd daeth criw o rieni ynghyd i neuadd yr ysgol i wrando ar swyddog cyswllt ysgolion Heddlu Dyfed Powys PC Beverley Anderson. Noson oedd hon i godi ymwybyddiaeth rhieni’r ysgol o beryglon y Rhyngrwyd. Cafwyd llawer o negeseuon pwysig iawn a chyflwynwyd llawer o wybodaeth am bynciau megis bwlio syber a’r defnydd o Facebook a gwefannau cymdeithasol. Cafwyd cyfle i wylio clipiau diddorol o wefan CEOP, sef y wefan ar gyfer diogelu plant ar y Rhyngrwyd a chyfle i ofyn cwestiynau a rhannu profiadau. Noson werthfawr iawn.   Ymweliad Only Men Aloud   Ar Ddydd Llun y 3ydd o Hydref cafodd bechgyn hŷn yr ysgol ymweliad gan aelodau o'r côr meibion enwog Only Men Aloud.  Bwriad yr ymweliad oedd egluro yr hyn y mae Only Men Aloud wedi ei gyflawni ers sefydlu'r côr ychydig flynyddoedd yn ôl.  Cafwyd cyflwyniad o rai o ganeuon y côr bechgyn gan bump o'r hyfforddwyr, sydd yn aelodau o Only Men Aloud. Roeddem ni'r bechgyn a fynychodd y gweithdy wrth ein bodd yn gwrando ar y caneuon modern yn cael eu canu gan aelodau o un o gorau meibion mwyaf adnabyddus Prydain.   Ar ddiwedd cafodd y bechgyn y profiad o fod yn aelod o'r côr Only Boys Aloud. Cafwyd sesiwn cynhesu, cyn mynd ati i ymarfer un o ganeuon poblogaidd y côr. Roedd yn brofiad hwylus a gwerthfawr wrth dderbyn hyfforddiant gan y cantorion proffesiynol yma. Erbyn diwedd y sesiwn roeddem yn canu'r gân ‘Don't Stop Believing’ mewn harmoni tri llais. Yn sicr, gallwn ddweud y bydd nifer o aelodau adran Cefneithin o Only Boys Aloud yn cynyddu ac yn chwyddo yn ystod yr wythnosau nesaf o ganlyniad i'r gweithdy hwn. Adroddiad gan Steffan Cennydd 11-1   Wythnos Gristnogol Cynhaliwyd wythnos Gristnogol yn Ysgol Bro Myrddin o’r chweched ar hugain o Fedi hyd at y degfed ar hugain. Bwriad yr wythnos a gafodd ei threfnu gan Megan Morgans a Gwenllian o’r chweched dosbarth oedd i geisio dangos i ddisgyblion yr ysgol delwedd gyfoes o Gristnogaeth, ac ennyn eu diddordeb o’r ffydd. Trefnwyd nifer o weithgareddau cyffrous yn ystod yr wythnos gan gynnwys siaradwyr gwadd yn y gwasanaethau boreuol a gemau amywiol a thrafodaethau am Gristnogaeth yn ystod yr awr ginio. Dydd Llun cafwyd gemau a danteithion gyda Gwenno Teifi,  Pnawn Dydd Mawrth, Mercher a dydd Iau cafwyd sgwrs a thrafodaeth gyda Aaron Treharne, Derek Rees a’r Parchedig Mrs Beti Wyn James. Un o uchafbwyntiau’r wythnos oedd gweithgaredd rapio gyda Aaron Treharne a’r rapiwr Olwafemi Ashiru!  - mwynhaodd pawb hyn yn fawr. Codwyd dros £1,000 yn ystod yr wythnos tuag at elusennau amrywiol, trwy werthu siocled masnach deg a chynnal diwrnod dillad ein hunain. Roedd yr wythnos yn un fendithiol a llwyddiannus iawn, ac yn sicr fe wnaethom gyrraedd ein nod. Diolch yn fawr iawn i’n gwestai am roi o’u hamser a’n hysbrydoli i feddwl am ein Cristnogaeth. Adroddiad gan Megan Morgans Bl13eg   Darlledu ar radio Glangwili Cafodd criw o ddisgyblion blwyddyn 12eg gyfle arbennig i dreulio oriau yn gwneud gwaith gwirfoddol i Radio Glangwili. Cawsant y fraint o ddarlledu ar y radio yn fyw i gleifion yn yr ysbyty a thref Caerfyrddin. Hefyd cawsant y cyfle i fynd o gwmpas y wardiau i gasglu ceisiadau a sgwrsio gyda’r cleifion a’r gweithwyr. Bu cyfle hefyd i chwarae eu hoff ganeuon. Roedd yr holl brofiad yn un gwych! Diolch i Mrs Lowri Davies, Pennaeth Astudiaethau’r Chweched dosbarth am ei drefnu.    Beicwyr o fri! Llongyfarchiadau mawr i Scott Davies am ennill cystadleuaeth Beicio 10milltir Iau Cymru ar y 27ain o Awst. Hefyd llongyfarchiadau i Ronan Llŷr o flwyddyn 12 a gynrychiolodd Cymru yn y gemau Celtaidd dan 17 yn y 2000m ras ffos a pherth ar y 13eg o Awst. Gorffennodd yn 4ydd. Da iawn bois.     Canlyniadau rygbi Nos Fawrth 3ydd o Hydref  Llongyfarchiadau i fechgyn blwyddyn 7 a 9 ar ei buddugoliaeth rygbi . Blwyddyn 7: Bro Myrddin: 58 QEH: 5 Blwyddyn 9: Bro Myrddin: 44 QEH: 7 AELODAU CYNGOR YSGOL 2011-2012 BLWYDDYN 7   Osian Knott a Bethan Curtis BLWYDDYN 8 Cai Evans, Ffion Richardson a Phoebe Harris  BLWYDDYN 9 Gwennan Gravell a Charles Kirk BLWYDDYN 10  Ffion Walters a Steffan Thomas BLWYDDYN 11  Cathryn Rees a Rhys Meredith BLWYDDYN 12 Ynyr James a Katy Kirk BLWYDDYN 13  Catrin Anna Davies, Gwennan Jones, Nathaniel Wilson a Steffan Rizzi PRIF SWYDDOGION Llywela Davies a Sean Bergiers