Newyddion Ysgol Gyfun Gymraeg Bro Myrddin
Limrig Nadolig
Un dolig yn Ysgol Bro Myrddin,
Dihangodd y twrci o’r gegin,
Fe ddywedodd “so long”,
Dros y peiriant bing bong ,
A hedfan holl ffordd i Gaeredin.
Gan Manon Ifan
Ar yr ail ar hugain o Dachwedd 2010 daeth saith o fyfyrwyr Prifysgol Y Drindod Dewi Sant draw i Ysgol Gyfun Gymraeg Bro Myrddin i berfformio eu drama newydd “4 Wales/C england” sy’n sôn am S4C ddoe, heddiw ac yfory.
Ar ddechrau Tachwedd 2010 ysgrifennodd y cast - Carley Bennington, Jobe Bruzas, Tomos Hopkins, Bethan Marsh, Elen Morgan, Simon Thomas a Nia Tudor lythyr at Mr Jeremy Hunt yn cwyno am y toriadau sylweddol i gyllideb S4C. Yn y llythyr fe wnaeth y myfyrwyr sôn am eu sioe lle wnaethant fynegi eu pryderon dwfn am ddyfodol y sianel. Mae’r toriadau sy’n cael eu gwneud i’r unig sianel Gymraeg - S4C - yn effeithio ar lawer ohonom ac mae sicrhau dyfodol yr iaith Gymraeg yn dibynnu ar ddyfodol S4C. Mae angen i ni fel cenedl sicrhau na fydd y BBC yn cael dwyn ein sianel oddi arnom. Er bod y ddrama wedi ei selio ar hanes S4C roedd sawl elfen gyfoes yn cael eu portreadu yma. Defnyddiodd y criw dechnegau'r dramodydd Berlot Brecht yn sail i’r perfformiad ac mi lwyddodd y criw i gadw rheolaeth dda ar ei dechnegau gan eu bod yn byrfyfyrio’r perfformiad cyfan.
Cafodd disgyblion drama blwyddyn 10, 11 a 12 gyfle i weld y ddrama arbrofol yma. Ar ôl y perfformiad roedd teimladau cymysg a chafodd pawb gyfle i fynegi eu teimladau a holi unrhyw gwestiwn oedd ganddynt i’r actorion a’r cyfarwyddwr. Er bod y ddrama wedi ei selio ar hanes S4C roedd sawl elfen gyfoes yn cael eu portreadu yma. Defnyddiodd y criw dechnegau'r dramodydd Berlot Brecht yn sail i’r perfformiad ac mi lwyddodd y criw i gadw rheolaeth dda ar ei dechnegau gan eu bod yn byrfyfyrio’r perfformiad cyfan.
Mwynhaodd pawb a dyma berfformiad a wnaeth i lawer ohonom feddwl am bwysigrwydd S4C a dyfodol yr Iaith Gymraeg. Braf hefyd oedd cael croesawu criw ffilmio’r BBC i’r ddrama gan eu bod hwythau’n ffilmio ar gyfer ei rhaglen newyddion a Wedi 7.
Adroddiad gan Mared Dafydd
Ar ôl wythnosau diwyd o baratoi daeth penllanw i’r holl ymarferion ar ddydd Iau y 18fed a nos Wener y 19eg o Dachwedd. Cafwyd tri pherfformiad gwefreiddiol o’r sioe gomisiwn Y Garreg ar y Clôs yn Theatr y Lyric, Caerfyrddin. Sioe gyffrous, wreiddiol gan y sgriptiwr Mr Garry Nicholas, y cerddor a’n cyn brifathro Mr Eric Jones a’r prifardd Dr Mererid Hopwood oedd hon. Cafwyd hanes etholiad a therfysgoedd Caerfyrddin yn 1831 trwy lygaid disgyblion yr oes fodern. Cafwyd cyfle i gwrdd â chymeriadau lliwgar a diddorol y presennol a’r gorffennol a chyfle unigryw i flasu hen hanes y dref.
Ar y prynhawn dydd Iau llenwyd y Lyric gan ddisgyblion ysgolion cynradd y dalgylch a braf oedd gweld eu hymateb i olygfeydd megis golygfa’r dafarn a’r farchnad. Rhyfeddwyd at y gwisgoedd, y llwyfan tro a’r môr o leisiau – 150 o ddisgyblion yr ysgol yn llenwi’r llwyfan.
Theatr lawn unwaith eto oedd yr hanes ar gyfer perfformiadau nos Iau a nos Wener. Uchafbwynt paratoi diwyd a manwl a gafwyd. Rwy’n sicr y bydd y caneuon yn atseinio yn y cof am hir – caneuon megis ‘Un weithred, un. Un llaw, un. Un llais, un. Gyda’n gilydd yn gytun’ a ‘Rhaid i ni gadw’r drefn, cadw’r ffydd.’ Gosgeiddig oedd gwisgoedd y cyfnod a thrawsnewidiwyd llawer o’r cymeriadau nes eu bod yn anodd eu hadnabod. Cafwyd unawdau a deuawdau cofiadwy iawn a dawnsfeydd bywiog. Cefnogwyd yr actorion a’r cantorion gan fand profiadol a thrwy gydweithio ‘gyda’n gilydd yn gytun,’ fe gafwyd sioe wefreiddiol.
Rhaid diolch i’r holl weithwyr – y gyfarwyddwraig Mrs Lowri Davies, y gyfarwyddwraig cerdd Mrs Meinir Richards a’r holl staff a disgyblion a fu’n cynorthwyo i lwyfannu’r sioe.
Canlyniadau Pêl-rwyd a hoci Nos Fercher 10fed o Dachwedd yn
erbyn ysgol Maes yr Yrfa
Bl8 Colli 5-9
Bl9 Ennill 11-2
Bl10 Ennill 11-6
Bl11 Ennill 16-1
Hoci
Bl10 Ennill 2-1
Tîm 1af Ennill 5-0
