Newyddion Ysgol Gyfun Gymraeg Bro Myrddin       Chwarae criced i Gymru Llongyfarchiadau i Owain Binding bl 10, ar gael ei ddewis i garfan Criced Cymru dan 15 oed. Pob lwc Owain.   Llwyddiant yn Eisteddfod yr Urdd Bu nifer o ddisgyblion yr ysgol yn llwyddiannus yng nghystadlaethau Llenyddol a chystadlaethau Celf a Chrefft Eisteddfod Genedlaethol yr Urdd. Dyma’r canlyniadau: Gwaith llenyddol Rhyddiaith Blwyddyn 12 a 13 – 2il - Rebeca Davies Bl.13 Stori fer dan 19 oed – 3ydd - Saran Richards Bl.12 Cywaith Bl 7 – 9 – 3ydd – Dosbarth Cymraeg 9B1 Celf a chrefft Printiau du a gwyn Bl.7-9 – 1af – Ffion Richardson Bl.7 Argraffu ar ffabrig Bl.7-8 – 2il – Ffion Richardson Bl.7 Bydd y gwaith buddugol yn cael ei arddangos yn y babell Gelf a Chrefft yn Eisteddfod Genedlaethol yr Urdd a bydd modd cael cipolwg ar y gwaith llenyddol buddugol yn y Cyfansoddiadau. Dymuniadau gorau i bawb sy’n cynrychioli’r ysgol yn  Eisteddfod yr Urdd Abertawe 2011.   Canlyniadau Celf a Chrefft Rhanbarth Gorllewin Myrddin Daeth disgyblion o’r ysgol i’r brig yng nghystadlaethau Celf a Chrefft yr Urdd,  Rhanbarth Gorllewin Myrddin. Printiau du a gwyn Bl.7-9 – 1af – Ffion Richardson Bl.7 Argraffu ar ffabrig Bl.7-8 – 1af – Ffion Richardson Bl.7 Print lliw Bl.7-9 – 2il – Ffion Richardson Bl.7 Print du a gwyn Bl.7-9 – 2il – Ffion Richardson Bl.7 Lluniadu 2D Bl.7-9 – 2il – Rhys Page-Gibby Bl.7 Printiau lliw Bl.7-9 – 2il - Elin Wyn James Bl.7 Llongyfarchiadau mawr i chi.   CYSTADLEUAETH COGINIO EISTEDDFOD YR URDD  Yn ystod y misoedd diwethaf bu nifer o ddisgyblion yn cystadlu yng nghystadleuaeth coginio’r Urdd. Y thema ar gyfer blynyddoedd 7, 8 a 9 oedd Prydau Cyflym. Roedd disgwyl i’r cystadleuwyr baratoi a gweini byrgyrs, dip a salsa sbeislyd mewn 1½ awr. Ar ôl cystadleuaeth frwd a feirniadwyd gan y cogydd enwog Dudley Newbury enillodd Angharad Thomas o ddosbarth 9-1 y rownd rhanbarthol a gynhaliwyd yng Ngholeg Pibwrlwyd. Ar gyfer blynyddoedd 10, 11, 12 a 13 y thema oedd Prydiau Tymhorol ac roedd rhaid i Betsan Walters o ddosbarth 10-1 baratoi, coginio a gweini cawl pys mintys, cacennau sawrus Cymreig a phryd tro-ffrio tsili gyda chig oen Cymreig. Daeth Betsan yn drydydd yn y gystadleuaeth hon.  Bydd y ddwy ohonynt yn cynrychioli’r rhanbarth yn y rownd derfynol ar y bws coginio yn yr Eisteddfod Genedlaethol yn Abertawe. Pob hwyl i’r ddwy.