<html>

<head>
<meta http-equiv="Content-Type" content="text/html; charset=unicode">
<title>Newyddion Ysgol Bro Myrddin</title>
<style>
<!--
 p.MsoNormal
	{mso-style-parent:"";
	margin-bottom:.0001pt;
	font-size:12.0pt;
	font-family:"Times New Roman";
	margin-left:0cm; margin-right:0cm; margin-top:0cm}
-->
</style>
<meta http-equiv="Page-Enter" content="revealTrans(Duration=1.0,Transition=5)">
</head>

<body bgproperties="fixed" text="#6500A8" style="font-family: Arial">

<blockquote>

<blockquote>
	<p class="MsoNormal" align="center" style="text-align:center">
	<font face="Comic Sans MS"><b><span lang="CY" style="font-size: 14.0pt">
	Newyddion Ysgol Bro Myrddin</span></b></font></p>
	<p class="MsoNormal"><font face="Comic Sans MS">
	<span lang="CY" style="font-size: 14.0pt">Llwyddiant ysgubol – disgrifiad 
	teilwng o wythnos Siôn Ifan, prif ddisgybl yr ysgol, &nbsp;yn&nbsp; Eisteddfod&nbsp; 
	Sir<img border="0" src="Sionifan.jpg" width="174" height="396" align="right"> 
	Gâr. Anodd credu lle cafodd amser i chwarae prif ran mewn tri pherfformiad 
	o’r sioe gerdd Dagrau’r Coed yn y Lyric, cymryd rhan yn y seremoni 
	agoriadol, cyfarch y bardd Hywel Griffiths, cyn ddisgybl o’r ysgol,&nbsp; yn 
	nefod y<a href="siarcyh.JPG"><img border="0" src="siarcyh.JPG" width="272" height="202" align="left"></a> 
	cadeirio, cystadlu mewn amryw o gystadlaethau fel unigolyn ac fel aelod o 
	dîm a diddanu plant ym mhabell yr ysgol ar y maes! &nbsp;Cyflwynwyd iddo dlws 
	Talent Radio Cymru gan neb llai na Ray Gravelle oedd wedi dewis gwneud ei 
	ymddangosiad cyntaf cyhoeddus ar ôl ei lawdriniaeth ar lwyfan yr Urdd. At 
	hynny, enillodd Ysgoloriaeth yr Eisteddfod i’r cystadleuydd mwyaf addawol yn 
	yr oedran 14 – 19 oed.&nbsp; Llwyddodd i gyrraedd y llwyfan mewn amryw o 
	gystadlaethau a daeth yn gyntaf ar yr alaw werin, y fonolog ac fel aelod o’r 
	tîm siarad cyhoeddus lle cafodd ei enwi fel siaradwr addawol; daeth yn ail 
	ar yr unawd i fechgyn, yr unawd sioe gerdd ac fel aelod o’r grŵp ensemble 
	lleisiol ac roedd yn aelod o’r parti bechgyn hŷn a’r parti llefaru ddaeth yn 
	drydydd. Daeth llwyddiant i ran unigolion eraill hefyd. Daeth Catrin Price 
	ac Anne Denholm yn gyntaf ar y ddeuawd offerynnol; Catrin yn ail yn y 
	gystadleuaeth chwythbrennau; Anne yn ail ar yr unawd telyn a Ffion Bevan yn 
	drydydd ar yr unawd llinynnol. Cipiodd Elin Wyn Williams wobr gyntaf am 
	ddawnsio disgo unigol&nbsp; a daeth Heledd Evans a Lowri Howells yn ail ar y 
	ddeuawd. Cafodd y partïon canu iau lwyddiant arbennig Ddydd Iau gyda’r parti 
	merched yn dod yn gyntaf a’r parti bechgyn a’r côr mawr yn dod yn ail. Yn y 
	cystadlaethau Gwaith Cartref, daeth cywaith Blwyddyn 7 yn fuddugol a Claire 
	Roberts yn ail am gyfansoddi. Llongyfarchiadau!</span></font></p>
</blockquote>

	<p>&nbsp;</p>
	<p align="center" style="text-align: center"><span lang="CY">
	<font size="4" face="Comic Sans MS">&nbsp;</font></span></p>
</blockquote>

</body>

</html>
�