Newyddion Ysgol Bro Myrddin

Gŵyl Ddewi:  Dathlwyd dydd gŵyl ein nawddsant mewn sawl cywair ym Mro Myrddin eleni. Thema’r gwasanaeth estynedig oedd “Gwisg genhinen yn dy gap a gwisg hi yn dy galon.” 
Bu nifer o ddisgyblion yr ysgol yn cymryd rhan a chafwyd eitemau amrywiol oedd yn adlewyrchu traddodiadau’r Cymry. Unodd yr ysgol i ganu “Câr dy heniaith” a ddarllenwyd 
gan Carys Bowen i ddechrau’r gwasanaeth. Y llefarydd rhwng yr eitemau oedd Rhiannon Mair Lewis. Disgyblion o ddosbarth 7-4 

roddodd gyflwyniad am gefndir a gwaith Dewi. Cafwyd hanes cyfansoddi’r anthem genedlaethol gan Eleri Jenkins, 
Angharad Lewis a Hannah Hopwood gyda chymorth pwerbwynt. Ymhlith y datganiadau cerddorol cafwyd deuawd “Mor dirion 
dy drigfannau” gan Heledd a Lowri; “Ymlaen â’r Gân” gan y parti merched;  “Chwalu muriau Jerico” gan y côr iau; “Popeth hardd sydd yn y byd” gan y côr hŷn  a 
“Hen, hen hiraeth” gan y parti bechgyn hŷn. Yn ogystal cafwyd dawnsio modern a thraddodiadol
 gan y partïon iau a hŷn  a datganiad gan y parti llefaru o Johnny gan T. James Jones. 
Arweiniodd Catrin Anna yr ysgol mewn gweddi cyn gorffen gyda’r emyn “Dros Gymru’n gwlad” 
a ddarllenwyd gan Bethan Watkins. 

Ar ôl y gwasanaeth, aeth grŵp pres yr ysgol ynghyd â rhai unigolion i ddiddanu yn y Ganolfan Ddydd yn y dref gyda phennaeth yr Adran Gerdd, Mrs Meinir Richards.

 Parhawyd â’r dathlu yn yr ysgol gyda gweithgareddau rhwng y llysoedd amser cinio, gwerthu losin du a cherddoriaeth fyw gan y grŵp Coda yn ystod y prynhawn. Roedd y disgyblion wedi 
talu punt y pen am gael gwisgo lliwiau coch, gwyn a gwyrdd ac fe drosglwyddir elw’r diwrnod i gronfa Eisteddfod Sir Gâr.

Eisteddfod yr Urdd: Llongyfarchiadau i’r holl ddisgyblion a gystadlodd ar ran yr ysgol yn yr Eisteddfod Gylch. Bydd saith ar hugain o eitemau yn mynd ymlaen i’r Eisteddfod Sir. 

Cystadleuaeth	1af
Grwp dawnsio disgo Bl 7-9	Grwp Teleri
Unawd merched Bl 7-9	Ceirios Davies Bl 9
Unawd chwythbrennau Bl 7-9	Catrin Price 8 -1
Llefaru unigol Bl 7-9	Mared Dafydd 8-1
Unawd llinynnol Bl 7-9	Ffion Bevan 8-1
Dawns disgo unigol Bl 7-9	Sioned Elin Davies 8-1
Grwp llefaru Bl 7-9	Parti Llinos Bl 9
Deuawd Bl 7-9	Heledd Evans a Lowri Howells Bl 9
Ensemble Bl 7-9	Grwp Caffi Cerdd
Dawns disgo unigol Bl 10-13	Elin Wyn Williams Bl 11
Alaw werin unigol Bl 7-9	Ceirios Davies Bl 9
Dawns greadigol Bl 7-9	Ysgol Bro Myrddin
Unawd allan o sioe gerdd	Sion Ifan Bl 13
Unawd llinynnol Bl 10-13	Helen Roberts Bl 12
Llefaru unigol Bl 10-13	Miriam Hopwood Bl 12
Unawd telyn Bl 10-13	Anne Denolm Bl 11
Unawd cerdd dant Bl 7-9	Ceirios Davies Bl 9
Dawns werin Bl 10-13	Parti Angharad Bl 13
Deuawd offerynnol Bl 10-13	Catrin Price + Anne Denolm
Deuawd cerdd dant Bl 9 ac iau	Siwan Jones + Beca Davies
Grwp llefaru Bl 10-13	Ysgol Bro Myrddin
Dawns unigol i ferched Bl 9 ac iau	Lleucu Walters Bl 8 (Hafodwennog)
Ensemble 15-25 oed	Grwp Telenet
Dawns unigol i fechgyn Bl 9 ac iau	Gareth Spiers Bl 8
Alaw werin unigol Bl 10-13	Sion Ifan Bl 13
Dawns werin unigol i ferched 15-25 oed	Leisa Fflur Davies Bl 11
Monolog Bl 10-13	Sion Ifan Bl 13