Pencampwyr  Popty:   Cafodd pedwar o fechgyn o flwyddyn 9 eu gwahodd i  ymddangos ar raglen Nadolig “Popty”  yn ddiweddar. Bu Ioan Hughes,  Nathaniel Wilson, Sion Freeman a Gareth Spiers yn cynrychioli’r ysgol   wrth gystadlu mewn tair cystadleuaeth megis carioci, wawffactor a chwis  yn erbyn Ysgol y Strade.  Aeth bws o gefnogwyr i Stiwdio’r Ffatri Bop yn  y Rhondda a chawsant ddiwrnod llwyddiannus iawn gan ennill y teitl  “Pencampwyr Popty 2007.” Edrychwn ymlaen i weld y bechgyn ar S4C ar  ddiwrnod Nadolig. 
  
Darllen  miliwn o eiriau:  Fel rhan o’r cynllun “Darllen Miliwn o Eiriau”,  cafodd disgyblion o flwyddyn 7 eu diddanu gyda’r awdures a’r bardd  Catrin Dafydd.    Braf oedd gweld y plant wrth eu bodd yn gwrando’n  astud ar gerddi difyr ac yn ymateb yn frwdfrydig i wahanol syniadau. 

 
Gwaith tîm: Llongyfarchiadau i Scott  Davies, Sioned Rees, Tomos Bull, Luke Mistry a Meghan Pitts o flwyddyn 8  am ddod yn ail mewn cwis “Rhaglen Cyswllt Craidd Ysgolion Cymru” a  drefnwyd gan yr heddlu. 

 

 

 

 Hawddamor ffrindiau!:  Aeth criw o ddisgyblion o flwyddyn saith i’r Lyric  fore Mawrth diwethaf i fwynhau’r  panto “Macsen” gan Gwmni Theatr Mega.  Cawsant eu diddanu’n llwyr gan y cymeriadau lliwgar a braf oedd clywed  cymaint o chwerthin yn y theatr. 

 
Canolfan Sgiliau Adeiladwaith Sir Gâr:  Mae contractwyr adeiladu lleol wedi dechrau  ar eu gwaith ar safle’r ysgol.  Y bwriad yw  adeiladu gweithdy pwrpasol er mwyn cyflwyno cwrs Adeiladwaith o Fedi  2008 ymlaen i ddisgyblion Bl 10.  Bydd ein disgyblion yn cael y cyfle i  ennill Tystysgrif Sylfaenol cyfrwng Cymraeg mewn swyddi crefftau  adeiladu wrth ddilyn y cwrs defnyddiol ac ymarferol hwn.  Edrychwn  ymlaen i gydweithio gydag Ysgol Y Frenhines Elisabeth ac Ysgol Rhydygors  ar y prosiect anturus yma sydd wedi derbyn grant o bron £250,000 oddi  wrth y Cynulliad yng Nghaerdydd.