Llwyddiant Cenedlaethol:   Llongyfarchiadau gwresog i bum cerddor addawol o Ysgol Bro Myrddin sydd wedi  llwyddo i ennill eu lle yng Ngherddorfa Genedlaethol Ieuenctid Cymru. Hon  fydd yr ail flwyddyn i Helen Roberts sy’n canu’r ffidil a bydd ei chwaer  Clare Roberts a Sioned Powell yn ymuno â hi yn yr adran linynnol. Gwelir bod  cynrychiolaeth dda o delynorion yr ysgol  wedi’u dewis hefyd, sef Rhys  Jones ac Anne Denholm. Bydd yr offerynwyr yn mynychu cwrs ddechrau Awst ac  ar gais Lady Walton, gweddw’r diweddar Syr William Walton, byddant yn  perfformio symffoni ei gŵr yn eu fila yn Ischia, Yr Eidal yn ystod gwyliau’r  haf. Bydd Catrin David –Jones, athrawes ffidil Ysgol Bro Myrddin yn dysgu ar  y cwrs ac yn cadw llygad arnynt.
 

Cerddorfa’r Tair Sir:  Cafodd nifer  o ddisgyblion yr ysgol eu dewis i fod yn rhan o gerddorfa’r Tair Sir. Yn eu  plith bydd Helen Roberts, Elin Powell, Sioned Powell, Gweirydd Davies, Hawys  Freeman, Ffion Bevan a Clare Roberts yn canu’r ffidil a Nia Bevan a Hanna  Hopwood yn canu’r soddgrwth. Llongyfarchiadau iddynt i gyd a phob llwyddiant  iddynt yn y dyfodol.